ក្របខណ្ឌវាយតម្លៃ និងនិយមន័យ ជំហាននានាក្នុងការវាយតម្លៃ លទ្ធផលសម្រាប់ក្រុងបាត់ដំបង ទម្រង់នានា
ការវាយតម្លៃផលប៉ៈពាល់ និងភាពងាយរងគ្រោះ
ដំណាក់កាលទី១ នៃក្របខណ្ឌ CAM (រូបភាពទី២) – ការវាយតម្លៃផលប៉ះពាល់ និងភាពងាយរងគ្រោះត្រូវបានសម្រប និងប្រើប្រាស់ សម្រាប់ការវាយតម្លៃហានិភ័យរបស់គម្រោង។
Phase 1 of the CAM (រូបភាពទី ២៖ ជំហាននានាសម្រាប់ការអនុវត្តការវាយតម្លៃភាពងាយរងគ្រោះ និងផលប៉ះពាល់នៃការប្រែប្រួលអាកាសធាតុ ការធ្វើផែនការបន្សុំា និងការអនុវត្តវិធានការបន្ស៊ាំ Figure 2
រូបភាពទី ២៖ ជំហាននានាសម្រាប់ការអនុវត្តការវាយតម្លៃភាពងាយរងគ្រោះ និងផលប៉ះពាល់នៃការប្រែប្រួលអាកាសធាតុ ការធ្វើផែនការបន្សុំា និងការអនុវត្តវិធានការបន្ស៊ាំ
ដំណើរការ CAM ត្រូវបានអនុវត្តដូចខាងក្រោមសម្រាប់ការវាយតម្លៃហានិភ័យអាកាសធាតុនៃក្រុងបាត់ដំបង៖
ជំហានទី១ – កំណត់វិសាលភាព និងទ្រព្យសម្បត្តិគោលដៅ។ វិសាលភាពនៃការវាយតម្លៃហានិភ័យទាក់ទងនឹងមុខសញ្ញាគ្រោះថ្នាក់ និងការគំរាមកំហែង ទីតាំងភូមិសាស្ត្រ និងទ្រព្យសម្បត្តិនានា ត្រូវបានកំណត់តាមរយៈការពិគ្រោះយោបល់ជាបន្តបន្ទាប់ជាមួយភាគីពាក់ព័ន្ធ នៅថ្នាក់ជាតិ ថ្នាក់ខេត្ត និងថ្នាក់ក្រុង។ ការវាយតម្លៃហានិភ័យផ្តោតជាចម្បងលើទឹកទន្លេ (fluvial) និងទឹកជំនន់ដែលបណ្ដាលមកពីទឹកភ្លៀង (pluvial) ការហូរច្រោះដី ការបាក់ច្រាំងទន្លេ និងគ្រោះរាំងស្ងួត និងទ្រព្យសម្បត្តិរបស់ក្រុងផ្សេងៗទៀតដូចជា៖ ប្រជាពលរដ្ឋ បណ្តាញដឹកជញ្ជូន តំបន់កើតថ្មីរបស់ក្រុង សាលារៀន និងអគារសុខភាព។
ជំហានទី ២ – ធ្វើការវាយតម្លៃទិន្នន័យដើមគ្រា។ ការវាយតម្លៃទិន្នន័យដើមគ្រានៃសេដ្ឋកិច្ច-សង្គម សម្រាប់ក្រុងបាត់ដំបង ត្រូវបានធ្វើឡើងដោយផ្អែកលើការពិនិត្យមើលលើឯកសារកំណត់ត្រាជាផ្លូវការ ការសរសេរកត់ត្រាទុក ឯកសារមានស្រាប់ និងព័ត៌មានដែលប្រមូលបានពីការពិគ្រោះយោបល់ពហុភាគី។
ជំហានទី៣ ដល់ទី ៥ – ការវាយតម្លៃផលប៉ះពាល់ សមត្ថភាព និងភាពងាយរងគ្រោះ។ ទិន្នន័យដែលទទួលបានពីម៉ូឌែលដែលមានដូចជា ទិន្នន័យជំរឿន និងការគូសផែនទីបែបចូលរួម ត្រូវបានប្រើដើម្បីកំណត់ពីភាពប្រឈម ភាពងាយទទួលរង និងសមត្ថភាពបន្ស៊ាំនៃទ្រព្យសម្បត្តិដែលបានជ្រើសរើស។ ទិដ្ឋភាពនីមួយៗនៃផលប៉ះពាល់ និងភាពងាយរងគ្រោះទាំងនេះត្រូវបានចាត់ជាប្រាំថ្នាក់ (ពីទាបទៅខ្ពស់) ដោយប្រើការវិភាគ quintile។ ដើម្បីដាក់ពិន្ទុលើកម្រិតផលប៉ះពាល់ និងភាពងាយរងគ្រោះ តារាងម៉ាទ្រីកនៃក្របខណ្ឌ CAM ខាងក្រោមត្រូវបានអនុវត្តក្នុងការវាយតម្លៃ (មើលរូបភាពទី ៣)៖
រូបភាពទី 3៖ តារាងម៉ាទ្រីកសម្រាប់អោយពិន្ទុផលប៉ះពាល់ និងភាពងាយរងគ្រោះ
 |
 |
ម៉ូឌែលទឹកជំនន់ដែលបានប្រើសម្រាប់ការវាយតម្លៃហានិភ័យទឺកជំនន់ ដែលបានផ្តល់ដោយអង្គការ People In Need (PIN) នៅកម្ពុជាដែលបានអនុវត្តម៉ូឌែលទឹកជំនន់ ដែលជាផ្នែកមួយនៃការអនុវត្តគម្រោង ‘ពង្រឹងព័ត៌មានអាកាសធាតុ និងប្រព័ន្ធផ្តល់ពត៌មានជាមុននៅកម្ពុជា ដើម្បីគាំទ្រដល់ការអភិវឌ្ឍន៍ធន់នឹងអាកាសធាតុ និងការបន្ស៊ាំខ្លួនទៅនឹងការប្រែប្រួលអាកាសធាតុ។ ‘ គម្រោងនេះបានអនុវត្តចាប់ពីខែសីហា ឆ្នាំ ២០២០ ដល់ខែមករា ឆ្នាំ ២០២២ និងទទួលមូលនិធិពីសម្ព័ន្ធភាពការប្រែប្រួលអាកាសធាតុកម្ពុជា (CCCA)[1]។ ដំណើរការប្រមូលទិន្នន័យផ្តោតលើសកម្មភាពសំខាន់ៗចំនួនបួន៖ i) ការកំណត់អត្តសញ្ញាណគោលដៅ; ii) ការសិក្សាពីផ្លូវ និងកម្ពស់ដី; iii) ការអង្អេតពីអាកាសលើផ្ទៃដីទំហំ៣៦០០ហិកតា និងតំបន់នានានៃស្ទឹងសង្កែ; និង iv) ការអង្កេតពីកម្រិតទឹកជំនន់ដែលកើតឡើងកន្លងមក។ ទិន្នន័យនេះត្រូវបានប្រើដើម្បីបង្កើតព័ត៌មានពីកម្ពស់ដីរបស់ក្រុង ជាម៉ូឌែលកម្ពស់ដី ផ្ទៃដី និងសណ្ឋានដីឌីជីថលរបស់ក្រុង។ កម្មវិធី HECRAS ត្រូវបានប្រើសម្រាប់អភិវឌ្ឍន៍ម៉ូឌែល 2D ទឹកជំនន់។
[1]PIN, NCDM. 2021. របាយការណ៍ស្តីពីអនុសាសន៍កាត់បន្ថយការជន់លិច។ អង្គការ People in Need និងគណៈកម្មាធិការជាតិគ្រប់គ្រងគ្រោះមហន្តរាយ។ ភ្នំពេញ កម្ពុជា។
